ДьөгүөрСахалыы тылдьыт

Перевод с якутского

ыам

аат тыл

Нууччалыы время доения коров. [Хобороос:] Ынахпыт ыама хойутаата, оҕолоор

English milking time

Ис хоһооно · 5

1 аат тыл #

Ынаҕы ыыр кэм

Нууччалыы Время доения коров. [Хобороос:] Ынахпыт ыама хойутаата, оҕолоор

  • "Сарсыарда ынах ыамыгар кэлбэккэ быһа хотойо сылдьаар", – диэтэ хотуна.
    Күндэ
  • Күннэтэ аайы биирдии ынаҕым ыам аайы биэрбит үүттэрин суруйааччыбын. Биэс т

2 аат тыл #

Биир ыаһыҥҥа эбэтэр төһө эрэ кэм устата ыаныллар үүт

Нууччалыы Количество молока, выдаиваемого за один раз или за известный срок

  • Сүөһүлэрэ арыый сыһыйдылар. Илиитэ да үөрэнэн барда. Ол да буоллар, үүтүн ыама букатын кыра.
    А. Фёдоров
  • Сыллааҕы ыамы биир сиргэ мунньар буоллар, остуоруйаҕа этиллэр уйгу-быйаҥ ойбонуттан итиэ суох этэ.
    И. Данилов
  • Сотору үүт ыама үксээн барбыта
    И. Данилов

3 аат тыл #

Күөл балыга искэҕин ыыр кэмэ

Нууччалыы Время икрометания озёрных рыб, нерест

  • Саас балык ыамын саҕана, собото күөл кытыытыгар тахсан, иэнинэн лаһыйар буолара.
    Н. Якутскай
  • [Ньукуус:] Ээ, оттон билигин бу ыам саҕана муҥхалыахха саамай сөп.
    Күндэ
  • Хатыҥчаана эбэҕэ балык ыамын кэмигэр хомуһун быыһа балыгынан быллыгырыыр
    М. Попов

4 этии #

Нууччалыы Рой, несметное число, мириады комаров, гнусы

Этиилэр

Ыам балыгын курдук көр балык

  • Киһи аймах ыам балыгын курдук барҕарар, күөс курдук өрө оргуйар кэмигэр-кэрдиитигэр төрөөн-үөскээн, социализм дьоллоох, көҥүл саарыстыбатыгар биирдэ чүөмчүлээн түспүппүт.
    Суорун Омоллоон

Ыам бырдаҕын (кумаарын) курдук

олус элбэх, ахсаана суох элбэх Ыам бырдаҕын курдук кэмэ суох кымырдаҕастар кыймаҥнаһа түспүттэрэ.

  • Хоохунча кинээс табата ыам бырдаҕын курдук.
    А. Сыромятникова
  • Ыам кумаарын курдук үгүс дьон кэлэн-баран, үлэлээн-хамсаан ирбэнньиктэһэ сылдьаллар. А. Фёдоров

5 этии #

Нууччалыы Утренняя дойка

Этиилэр

Киэһээҥҥи (киэһээ) ыам (ынах) көр киэһээҥҥи

  • Оол курдук, үрэх тамаҕыттан пиэрмэ сүөһүлэрэ киэһээ ыамҥа иһэллэрэ көһүннэ.
    Далан
  • Дьахталлар киэһээҥҥи ыамнарыгар сырсаллар.
    А. Бэрияк

Күнүскү ыам (ынах) көр күнүскү

  • Ала бургунас бүгүн күнүскү ыамыгар кэлбэтэ.
    Н. Заболоцкай
  • [Сибиэтэ:] Сарсын күнүскү ыам кэнниттэн мин Бөрүөхэ өтөҕөр баар буолуом, онно эн кэлээр.
    С. Ефремов

Сарсыардааҥҥы ыам

ынаҕы сарсыарда бастаан ыыр кэм Сарсыардааҥҥы ыамҥа хойутаары гынным.

Ыам балыга көр балык

  • Иһийбит уулуссалар уһугуннулар, үлэ дьоно, устудьуоннар, оскуола оҕолоро ыам балыгыныы тоҕо ыстылар.
    ХС
  • Күөх оттоох кытыыга Күөнэх ыам балыктар Күөл уутун аймыыллар.
    И. Чаҕылҕан

Ыам бырдаҕа көр бырдах

  • Бу түбэлтэ сайын, биһиги хоту дойдубутугар ыам бырдаҕа түһэн турдаҕына, буолбута.
    Н. Якутскай
  • Түптэ унаар буруота Түүҥҥү сииккэ сүктэрэр, Ыам бырдаҕын саҥата Симэлийэр, улам сүтэр. "Чолбон".

Ыам кумаара көр кумаар

  • Ол чуумпутуттан мин кулгааҕым сүүһүнэн ыам кумаара дыыгыныырын курдук чуҥкунаабыта.
    Н. Якутскай
  • Ыам кумаара тулабар көймөстөр, Ооҕуй оҕус дьэрэкээн илимин турдар.
    Л. Попов

Ыам хомурдуоһа

хоҥор өҥнөөх, ойоҕосторунан үрүҥ үс муннук ойуулаах балайда бөдөҥ бөкүнүк хомурдуос.

Майский жук.

  • Ыам хомурдуоһа бары атын үөннэр-көйүүрдэр курдук үс чаастаах: төбөлөөх, түөстээх уонна истээх. ББЕ З. Ханна эрэ түннүк таһыгар ыам хомурдуоһа биир мээр дыыгыныыр.
    Э. Войнич

Ыам ыйа көр ый II

  • Ыам ыйын маҥнайгы аҥаарынааҕы ыраас, ылаа күннэр үүннүлэр.
    М. Доҕордуурап
  • Ыам ыйа. Балык ыыр, ынах мэччирэҥҥэ тахсан, үүт ыама элбиир.
    В. Протодьяконов
Өссө холобурдар (1)
  • Ср. ДТС саҕым, уйг. сеҕим, кирг., монг., алт. саам, бур. һаам ʽудойʼ

«Ы» буукуба